Әлкидә сөт җитештерү кимеми

Соңгы вакытта райондагы сөт комплексларыннан һәр көнне 140 тоннадан артык продукция эшкәртүчеләргә озатыла.

Республикада без тулаем сөт җитештерү буенча алдынгы 10 район исемлегендә.

Район терлекчеләре узган ел белән чагыштырганда сөт җитештерүне 108 процентка җиткерделәр. Бүген фермалардагы һәр сыердан көнгә 14,5 килограмм продукция алына. Көннәр көзгә авышканда гадәттә сөт җитештерү дә кими. Әмма безнең терлекчеләр берничә атна инде сөтбикәләрдән продукцияне тотрыклы алалар. Билгеле, бу комплексларда эшләрнең нәтиҗәле оештырылуына бәйле.