Әлкидә сөтне былтыргыдан күбрәк җитештерәләр

Республикада бары сигез район гына сөт җитештерү күләмен узган ел белән чагыштырганда арттыра алганнар. Соңгы көннәрдә районыбыз терлекчеләре эшкәртүчеләргә тәүлек саен 143 тонна продукция озаталар.

Дөрес, әлегә бездә бер сыердан көнгә уртача 12 килограммга якын гына сөт савыла. Терлекләрне дөрес тукландыруга, су белән тәэмин итүгә, асларын коры тотуга әһәмият бирә төшкәндә продукция алуны тагын да арттырырга мөмкинлекләр бар әле. Бу турыда республикада сөт терлекчелегенең торышын анализлаганда әйтелде.