Әлкилеләр Май чабу бәйрәмен күңелле һәм дәртле итеп бәйрәм иттеләр
Балалар һәм аларның әти-әниләре өчен төрле уеннар һәм биюләр әзерләнгән иде, ә чара карачкы яндыру белән тәмамланды.
Бүген Базарлы Матак авылының үзәк паркы янында район мәдәният йорты хезмәткәрләре район халкы өчен Май чабу бәйрәме оештырдылар. Бәйрәмдә катнашучыларны район башкарма комитеты җитәкчесе Илнур Юсупов котлады.
Әкият геройлары Агафья, Глафира, Емеля, Кар бабай һәм Май чабу малайлар һәм кызларга уеннар, җырлар һәм биюләр белән күңел ачтылар. Балалар рәхәтләнеп уеннарда катнашты: табышмакларга җавап бирделәр, бүрәнә тәгәрәттеләр, итекне еракка бәрүдә көч сынаштылар, көянтә белән йөгерделәр. Өлкәннәр өчен дә конкурслар әзерләнгән иде. Аларга коймакны табада әйләндереп чабарга кирәк иде.
Чарада катнашучыларның барысын да тәмле коймак, кайнар, хуш исле чәй белән сыйладылар.
Бәйрәм карачкы яндыру белән тәмамланды. Шулай итеп, әлкилеләр кышны озаттылар.
Следите за самым важным и интересным в Telegram-каналеТатмедиа
Нет комментариев