Медицина тикшерүе чынлап та бул­сын, кәгазьгә мөһер сугу белән генә чикләнмәсен

Шулай итеп, бу автобусны йөртүчеләргә гаять зур бурыч - балаларның иминлеген тәэмин итү йөкләнә. Моны үтәү өчен бөтен шартлар да бармы соң? Шоферларның һөнәри осталыгы да, транспортның техник халәте дә куелган таләпләргә җавап бирәме?

Мәктәп автобуслары шоферларының рай­он прокуроры, ЮХИ­ДИ бүлеге җитәкчесе, башка җитәкчеләр белән булган очра­шуында әнә шул ту­рыда җитди сөйләшү булды. Әлки районы мәктәпләре автобусла­ры Нурлат Автотранс­порт предприятиесе составында эшлиләр. АТП җитәкчесе Идрис Гарипов шоферлар­ны үз эшләренә бик тә җаваплы карарга ча­кырды.

- Юлда тизлекне арттыру дигән нәрсә уе­гызга да керергә тиеш түгел. Рейска чыгар алдыннан автобусның төзеклеген тикшереп чыгарга онытмагыз. Без транспорт чара­ларына техник хезмәт күрсәтү, ремонтлау кебек мәсьәләләрне даими кайгыртабыз. Сездән җаваплылык, кагыйдәләрне төгәл үтәү таләп ителә,-диде ул. Аның сүзләрен рай­он ЮХИДИ бүлекчәсе начальнигы Рәис Сафин җөпләде.

- Беләсез, сезгә игъ­тибарыбыз аерынкы, таләпчәнлегебез дә югары. Шул ук вакытта, эшегездә берәр авыр­лык, проблема килеп чыкса, хәбәр итегез, булышырбыз. Киңәш итеп әйтәм: видеоре­гистраторлар һәрчак төзек булсын, бәхәсле очракларда алар сезгә ярдәм итәчәк. Мәктәп автобусларының гло­баль күзәтү системасы ярдәмендә контрольдә тотылуын да онытма­гыз. Әгәр Казандагы ди­спетчер сезне "күрмәсә", ул шунда ук безгә хәбәр итә. Сер түгел, мәктәп а в т о б у с л а р ы н ы ң берничәсе бик иске, аларны алышты­руны кайгыртырга кирәк,-дип кискен мәсьәләләргә тукталды ул.

Район мәгариф идарәсе җитәкчесе Ар­тем Савинов Татарстан Мәгариф министрлыгы­на яңа автобуслар со­рап хатлар юллауларын әйтте.

- Безгә әле тахограф­лар да кирәк, аларны район ярдәмендә сатып алырбыз. Ниндидер тех­ник төзексезлек килеп чыкса да безгә әйтегез. Хезмәтегез авыр, ял, бәйрәм көннәрендә дә юлга чыгарга туры килә сезгә. Аңлавыгыз, үз эшегезне тырышып башкарганыгыз өчен рәхмәт, - диде ул.

Район прокуро­ры Руслан Гыйзәтов та үзенең кисәтү киңәшләрен җиткерде.

- Мәктәп авто- бусларының алтысын алыштырырга ва­кыт. Безгә берьюлы шуның кадәр машина бирмәячәкләр, билгеле. Үҗәтрәк булыгыз, таләп итегез,-дип мәгариф идарәсе җитәкчесен активрак булырга өндәде ул. Прокурор шоферларның хезмәт хакларын вакытында түләүне дә тикшереп, күз уңында тота икән, аларга һәркөнге меди­цина тикшерүе үткәрү белән дә кызыксынды.

- Район үзәк хастаханәсе белән килешү төзелгән. Ав­тобус шоферлары Ба­зарлы Матактагы, Ху­зангайдагы, Түбән Әлки, Юхмачы һәм Салмандагы медици на учреждениеләрендә тикшерү үтәләр, - дип ышандырды Артем Са­винов. Ә Рәис Сафин кисәтеп куюны кирәк тапты:

- Медицина тикшерүе чынлап та бул­сын, кәгазьгә мөһер сугу белән генә чикләнмәсен, - диде ул.

…Кызганычка кар­шы, балаларны утыр­тып юлга чыккан ав­тобус-машиналар да кайчак авариягә юлы­га. Балаларның юл хәрәкәте фаҗигасендә һәлак булулары, гарип- ләнүләре чиксез зур кайгы ул. Безнең район юлларында андый кур­кыныч хәлләр булма­сын иде. Монысы инде мәктәп автобусларын йөртүчеләрнең генә түгел, аларны рейска чыгаручыларның да җаваплылыгында. Бе­лем эстәргә дип иртән өйдән чыгып киткән һәр укучы дәресләр беткәч исән-имин ки­леш кайтып җитәргә тиеш бит.