“Чәчәкле бакча” бәйгесендә катнашучылар өчен киләсе атнада тавыш бирү башлана

Газета игълан иткән конкурсны хуплап алып, байтак укучыларыбыз анда үзләренең чәчәкле бакча сурәтләрен юлладылар. Әлеге фотолар сайтыбызның (alki-rt.ru) "Конкурслар" бүлегендә урнаштырыла. Алар белән танышып барып, берсеннән-берсе матуррак бакча күренешләренә сокланасыздыр. Кеше фантазиясе һәм хезмәте нинди могҗизалар тудыра бит. Хөрмәтле укучыларыбыз! Үзегезнең бакча күренешләрен редакциягә җибәреп калырга ашыгыгыз. Киләсе атнада фотолар кабул итүне туктатып, тавыш бирүне башлыйбыз. Иң күп тавыш җыеп беренче урынны алучы планшетка ия булачак. Ә бу атна дәвамында сездән әле фотолар көтәбез.