Планшет кемгә булыр? Әлки районы газетасы сайтында “Чәчәкле бакча” бәйгесендә катнашучылар өчен тавыш бирү бара

Укучыларыбызга мәгълүм булганча, газета игълан иткән "Чәчәкле бакча" бәйгесендә 16 кеше катнаша. Аларның чәчәкләргә күмелгән ямьле бакча күренешләре фотолары сайтта урнаштырылып барды. Узган атнаның дүшәмбесеннән бәйгедә катнашучылар өчен тавыш бирү башланды. Ул бер ай - 10 октябрьгәчә дәвам итәчәк. Шул рәвешле, иң матур бакча үстерүчене сез үзегез ачыклаячаксыз. Барыгызны да тавыш бирүдә актив катнашырга чакырабыз. Исегезгә төшерәбез, җиңүче планшет белән бүләкләнәчәк.