Республика күләмендә үткәрелгән рәсемнәр бәйгесендә Базарлы Матак мәктәбе укучылары җиңү яулаган

 
 Бәйге “Парклар маршы -2022” халыкара табигатьне саклау акциясе кысасында үткән. Анда Дарья Ярославлева һәм Дарья Кашкова 1 не урынга лаек булып, грамоталар белән бүләкләнгән. Алар икесе дә – Базарлы Матакның урта гомумбелем бирү мәктәбе укучылары. Дарья Ярославлева – 4 нче сыйныфта укып, иҗат йортына өченче елын йөрсә, Дарья Кашкова 5 нче “а” сыйныфында белем алып, рәсем белән шөгыльләнүенең икенче елы икән. Кызларны әлеге сәнгать серләренә өйрәтүче Гөлфия Билаловага да Татарстан Республикасының  биологик чыганаклар буенча дәүләт комитетының Рәхмәт хаты тапшырылган.