“Россия почтасы” җитәкчесе Әлки районында булды

"Россия почтасы" җитәкчесе белән бергә әлеге оешманың "Волга 2" макрорегион директоры Артур Игрушкин һәм "Татарстан почтасы" идарәсе директоры Регина Кузнецова да Әлкигә килделәр.

Кунакларны район башлыгы урынбасары Рәшит Билалов озатып йөрде. Алар Юхмачы почта бүлекчәсе эше белән таныштылар. Биредә халыкка почта хезмәте күрсәтү шартларының әйбәт булуын билгеләп үттеләр. Җитәкчеләр киләчәктә авыл почта бүлекчәләре эшен халык өчен тагын да уңайлы итү өчен тәкъдимнәрен җиткерделәр.