Бүген - халыкара хатын-кызлар көне

Хатын-кызларның үз хокуклары өчен көрәштә теләктәшлек көне буларак барлыкка килгән 8 Март бүген инде башкачарак төсмер алды. Язның иң беренче бу бәйрәмендә җәмгыятебез хатын-кызларны - гаилә учагын саклаучы, ана һәм халык хуҗалыгының бик күп тармакларында алыштыргысыз эшче-хезмәткәрләр, талант ияләре булган гүзәл затларны олылый. Көчле затлар өчен бу бәйрәм аеруча дулкынландыргыч. Алар тормышларындагы сөекле хатын-кызларга иң күркәм хисләрен белдерәләр, мәхәббәтләрен аңлаталар, ихлас теләкләрен җиткерәләр. Районыбызның төрле тармакларында эшләүче ир-атларыбыз да үзләренең хезмәттәшләре, иң якыннары хакында сокланып сөйләделәр.