Чуаш Борнае авыл җирлеге советы депутаты эшмәкәр Динар Хәкимовка рәхмәт әйтәләр

Ул балаларның җәйге ялын оештыруда ярдәм күрсәтте. Эшмәкәр биргән средстволарга башлангыч сыйныфлар укучылары Болгар шәһәренә экскурсиягә бардылар. Балалар андагы борынгы һәйкәлләрне, яңа төзелгән корылмаларны карап, музейларда йөреп, бик канәгать булып кайттылар. Мондый сәяхәтләр бит укучыларның дөньяга карашын киңәйтә, белемнәрен арттыра, фикерләрен баета. Балалар турында кайгырткан Динар Хәкимовка хезмәтендә уңышлар телибез.

Николай Хвостов,

Чуаш Борнае мәктәбе директоры.