Әлки районында 542 кеше ташламалы дарулардан баш тарткан

Социаль хезмәтләр җыемына хокуклары булып та, аннан акчалата компенсация файдасына баш тарткан кешеләр бездә 542 әү икән.

Бу көннәрдә федераль льготаларга ия булган инвалидлар кабат уйлана: кайсын сайларга, бушлай даруларнымы, әллә 800 сум тирәсе акчанымы? Ә табиблар, пенсия фонды хезмәткәрләре аптырый: әгәр кеше теге я бу авыру буенча инвалид икән, димәк, аңа дәваланып тору өчен даими рәвештә медикаментлар кирәк. Алардан баш тартып, ул үзен куркыныч хәлгә куя түгелме? Шуңа күрә табиблар кабат-кабат искәртә: дарулардан баш тартканчы дәвалаучы табибыгыз белән киңәшләшегез, мондый адымны бик нык уйлап кына ясарга була.