Сөткә бәя былтыргыдан түбәнме?

Быел исә 17 сумнан гына исәп-хисап ясыйлар. Бер ел эчендә сөткә бәя шулай төштеме әллә?

Салман авылы халкы исеменнән".

Әлеге сорауга җавап алу өчен без район авыл хуҗалыгы һәм азык-төлек идарәсенең терлекчелек буенча консультанты Рәфис Гатауллинга мөрәҗәгать иттек. Ул болай диде:

-Салман авылы халкы сөтне ике җыючыга тапшыра. Аларның берсе Базарлы Матактагы "Осетеевское" сөт кабул итү пункты, икенчесе - Алексеевск районының Ялкын авылындагы сөт җыю пункты. Алар икесе дә сөтнең литрын 19 ар сумнан кабул итәләр. Ә халыкка 17 сумы түләнә. Узган ел да сөтне 20 сумнан җыю булмады. Бер айда гына халыкка литрына 18 сум исәбеннән түләнде. Бәлки сорау юллаучы сөтне былтыр 20 сумнан без белмәгән башка кешегә тапшыргандыр.