​​​​​​​Татарстанда коронавирус пандемиясе аркасында кертелгән  битлек режимы туктатылып тора

Бу хакта безгә Роспотребнадзорның баш белгеч-эксперты Алмас Абзалов хәбәр итте. 

–Ковид-19 белән чирләү очракларының кимүе белән бәйле рәвештә Татарстан хөкүмәте шундый карар кабул итте. Мәҗбүри битлек режимы юкка чыгарылмый,  Татарстан территориясендә туктатылып кына тора. Алай да 65 яшьтән узганнарга, хроник чирләре  булганнарга кешеләр күп җыелган урыннарда сулыш органнарын индивидуаль саклау чараларын (битлекләр, респираторлар) кулланырга киңәш ителә,–дип аңлатты белгеч.