Әлки районында Яңа ел ялларында паркларда көн саен күңелле чаралар оештырылачак

29 декабрьдә Базарлы Матактагы "Ленин бакчасы" паркында Кыш бабай һәм Кар кызы Яңа ел дискотекасы үткәрә. Ул 19.00 сәгатьтә башлана. 30 декабрьдә (19.00) район мәдәният йортында Бал-маскарад булачак. Ә Геройлар паркында бу кичтә Кыш бабай белән Кар кызы бәйрәм дискотекасына чакыралар.

Яңа ел төнендә исә үзәк парктагы чыршы янына бәйрәм итәргә җыелырбыз. Ул төнге беренче яртыда башлана.

3 гыйнварда (13.00) үзәк паркта Кыш бабайлар парады үткәрү күздә тотыла.

4 гыйнварда сәгать 10 да чаңгы базасында чаңгы юллары ачылу бәйрәме булачак.

5 гыйнварда (13.00) мәдәният хезмәткәрләре Геройлар паркына "Кыш - иң матур вакыт" дигән бәйрәмгә чакыралар. Анда уеннар, бәйгеләр, әкият геройлары белән фотога төшү оештырылачак.

6 гыйнварда (13.00) -"Ленин бакчасы" үзәк паркында, ә 7 гыйнварда (13.00) Ана даны паркында Раштуа бәйрәменә багышланган күңел ачу чаралары үткәрелә.

Хөрмәтле райондашлар! Барыгызны да бу бәйрәм чараларында актив катнашырга чакырабыз. Бәйрәм көннәрендә "Алинә" спорт залы, йөзү бассейны эшләп торачак. Шулай ук шугалакларда, чаңгы базасында вакытыгызны файдалы һәм күңелле итеп үткәрә аласыз. Ә район мәдәният йортында көн саен дискотекалар булачак. Алар 20.00 сәгатьләрдә башлана.