Вакытында түләмәсәң, икеләтә түлисең

Ел башыннан бирле штрафларын вакытында түләмәгән биш кешегә карата материаллар судка юлланган.

Мәгълүм булганча, юл хәрәкәте кагыйдәләрен бозган өчен салынган штраф 60 көн эчендә түләнергә тиеш. Штрафын вакытында түләмәүчеләргә карата административ материал төзелә. Закон белән билгеләнгән ике ай дәвамында түләмәгәнсең икән, штрафны икеләтә күләмдә (әмма ким дигәндә 1 мең сум) түләргә тиеш буласың. Яисә бурычлыларны 15 тәүлеккә кадәр административ кулга алу яки 50 сәгатькә кадәр мәҗбүри эшләр җәзасы көтә.