Яктылык кайтаргыч: җәяүлегә дә, машина йөртүчегә дә кирәк

Бу яңалык машина йөртүчеләргә ничек кагыла?

Шәһәрдән читтә туктаганда (фараларны сөртергә чыктыгыз, кафега керәсез я булмаса ял итеп йөреп килергә уйласагыз) йөртүче машинадан чыгуга җәяүлегә әверелә. Тәүлекнең караңгы вакытында күз күреме начар булганда аңа шулай ук яктылык кайтаргыч элементлар куллану зарур. Шуңа күрә шәһәрдән читтә туктарга туры килгән очракта яктылык кайтаргыч элементлар кирәк буласын истә тотыгыз.

Яктылык кайтаргыч җәяүлегә ни өчен кирәк соң?

Караңгыда фаралар яктысында җәяүле кеше 25-40 метрдан күренә (ә сәгатенә 90 км тизлек белән  баручы автомобиль бер секундка 25 метр ара уза). Җәяүле яктылык кайтаргыч элементлар кулланганда бу ара якын фаралар яктысында – 150 метрга, ерак фаралар яктысында 400 метрга кадәр арта. Статистика күрсәткәнчә, фликерлар куллану җәяүлене таптату куркынычын 65-80 процентка киметә.

Узган 2019 елда оператив-профилактика чаралары үткәрү барышында җәяүлеләрнең яктылык кайтаргыч элементлар турындагы законны бозуының 15 очрагы ачыкланды.

Хөрмәтле җәяүлеләр, юлда игътибарлы булыгыз!

Рәис Сафин,

район ЮХИДИ бүлекчәсе начальнигы, полиция майоры.