“Язылган өчен телевизор!” акциясе бүләкләрен уйнатуда Әлки районыннан биш әбүнәче катнашачак

"Татмедиа" акционерлык җәмгыяте быелның беренче яртыеллыгына ким дигәндә өч матбугат басмасына язылган әбүнәчеләр арасында призлар уйнатачак. Бу акциядә райондашларыбыз һәр юлы катнашып килә, бүләкләр отучылар да бар. Призлар уйнату 9 февральгә билгеләнгән. Анда төп бүләк - 32 диагональле телевизор, өч цифрлы фотоаппарат һәм 15 йон одеал ияләрен табачак. Моннан тыш, Татарстанның һәр районыннан иң зур суммага "Татмедиа" АҖ басмаларына язылган бер әбүнәче кызыксындыру бүләгенә ия булачак.

Призлар уйнатуда катнашучылар исемлегендә безнең районнан Гөлсинә Галиуллина, Р.Хәлилов, Шәүкәт Фәтхетдинов, Румия Гобәйдуллина, Алинә Гобәйдуллина да бар. Аларга уңышлар телибез.