Җырчы якташыбыз Мирсәет Сөнгатуллинны юбилее белән котлыйбыз

Районыбыз данын үзенең иҗаты белән Республикага таныткан якташыбызны бәйрәме белән котлыйбыз. Әлкилеләр Мирсәет Сөнгатуллин белән хаклы горурланалар. Ул Татарстанда эстрада сәнгатен аерым бер югарылыкка күтәреп кенә калмыйча, татар халык җырларын эзләп табу, туплау һәм популярлаштыру юнәлешендә дә бәяләп бетергесез олы хезмәт куйган шәһес. Җырчы берничә йөз татар җырын башкарып, аларны дискларга яздырып халыкка җиткерде.