Әлки районы ЮХИДИ хезмәткәрләре 5 апрельдә юл хәрәкәте хәвефсезлеген тәэмин итүгә юнәлтелгән рейд үткәрделәр

ЮХИДИ инспекторлары район эчке эшләр бүлекчәсе хезмәткәрләре белән берлектә транспорт йөртүчеләрнең юл хәрәкәте кагыйдәләрен ни дәрәҗәдә үтәүләрен тикшерделәр. Район ЮХИДИ бүлекчәсе начальнигы Рәис Сафин әйтүенчә, рейд барышында автомобиль белән транспорт йөртү таныклыгы булмаган килеш идарә итү, срогы чыккан ОСАГО иминият полисы белән идарә итү, руль артына исерек хәлдә утыру кебек юл хәрәкәте кагыйдәләрен бозу фактлары ачыкланган. Кагыйдә бозучылар законда каралган җәзасын алачак.