Әлки районында ЮХИДИ хезмәткәрләре үткәргән рейдта юл хәрәкәте кагыйдәләрен бозуның өч очрагы ачыкланды

ЮХИДИ хезмәткәрләре транспорт йөртүчеләрнең юл хәрәкәте кагыйдәләрен ничек үтәүләрен тикшерделәр. Рейд барышында автомашина белән транспорт йөртү таныклыгы булмаган килеш идарә итү, алкоголь кулланган хәлдә руль артына утыру кебек юл хәрәкәте кагыйдәләрен бозу фактлары ачыкланды. Ә бер очракта йөртүче үзе белән иминият полисы булмаган килеш машина белән идарә итә иде.

Район ЮХИДИ бүлекчәсе начальнигы вазыйфаларын башкаручы Рәмзил Вәлиуллин әйтүенчә, кагыйдә бозучыларны кырыс җаза көтә.