Әлки районы укучылары республикада 15 марттан старт алган “IТ-чемпион” бәйгесендә актив катнаша

Бәйгенең максаты - өлкәннәрне дәүләт һәм муниципаль хезмәтләр порталыннан файдалануга күбрәк җәлеп итү. Укучылар аларга шушы порталда теркәлүдә ярдәм итә алалар.

Теркәлүләр саны һәм башкарылган түләүләр суммасы аша балаларга баллар туплана бара. Укучылар күпме балл җыюлары турында мәгълүмат белән "ТР электрон мәгариф" системасы аша таныша ала.

Быел әлеге бәйге ике этапта узачак. Һәр этапта иң күп балл җыйган 153 әр укучы IТ-чемпион исеменә лаек була һәм кыйммәтле ноутбуклар белән бүләкләнә. Республика бәйгесендә 1-11 сыйныфлар укучылары катнаша ала.

фото vlast16.ru сайтыннан