Иртәгә – Бөтенроссия йөгерү көне

Әлеге чара Марсель Хәлиуллин истәлегенә багышлана. Авыл җирлекләре, гомумбелем мәктәпләре командалары арасында йөгерү бәйгесе сәгать 10 да Мәңгелек ут янындагы мәйданда башлана.

Эшкә җәяү йөрик
22 сентябрь - Бөтендөнья автомобильсез көн.
Дөньяда 1998 елдан бирле үткәрелүче "Автомобильсез көн" быел якшәмбегә туры килү сәбәпле, республикада ул 23 сентябрьдә узачак. Әлеге акциянең максаты - автомобильләрнең әйләнә-тирә мохиткә тискәре тәэсире турында җәмәгатьчелекнең исенә төшерү һәм кешеләрне шәһәр-авылларда йөрү өчен автомобильдән сирәгрәк файдаланырга өндәү. Автотранспорт планетаның биосферасын җимерә, кешенең үзенә дә әйтеп бетергесез зыян китерә. Белгечләр исәпләп чыгарган - көн саен автомобиль 3 меңнән артык кешене үтерә икән. Хәзер авыл җирендә дә йорт саен әллә ничә машина. Ә бит җәяү йөрү кеше сәламәтлеге өчен файдага гына. Әйдәгез, дөньякүләм акциягә кушылып, бер көн булса да эшкә җәяү килик әле.