Баланың иммунитетын күтәрү өчен КИҢӘШЛӘР

Менә алар:

Гөлҗимеш чәе эчерергә. Аңарда С витамины күп, әмма ул организмнан калийны чыгара. Шуңа да гөлҗимеш чәеннән соң күрәгә, йөзем яки банан ашатырга кирәк.

Шикәр урынына бал салырга, тик сабыегызда балга аллергия булмаса гына.

Салат яки ашка аз гына изелгән сарымсак кушарга, бигрәк тә грипп таралган вакытта.

Кишер ашатырга. Ул канны чистарта, организмнан агулы матдәләрне чыгара, матдәләр алмашын яхшырта.

Атнага ике тапкыр кызыл балык әзерләп бирергә. Аның составындагы омега-3 майлы кислотасы иммунитетны, кан тамырларын, нерв тукымасын ныгыта.

Атнага ике тапкыр 20-30 грамм чикләвек бирергә.