Әлки районы Иске Хурада авылында яшәүче Александра Егоровна Муллинага 90 яшь тулды

Бу атнада Иске Хурада авылында яшәүче Александра Егорона Муллина үзенең матур юбилеен билгеләп үтте - әбекәйгә 90 яшь тулды.

Гомерен туган авылында үткәргән, колхозда тырышып эшләгән юбилярга Россия Президентының Котлау хаты һәм райондашлар исеменнән тәбрикләү сүзләрен, бүләкне район башлыгы урынбасары Рәшит Билалов һәм башкарма комитеты җитәкчесе урынбасары Мария Платонова җиткерде. Александра Егоровнаның сәламәтлеге әлегә зарланырлык түгел, ул кызы тәрбиясендә яши.

Шунысы сөендерә: 85-90 яшьне узып киткән әби-бабайларыбыз саны торган саен күбәя бара. Бу бит халыкның гомер озынлыгы арта дигән сүз.