Медицина хезмәткәрләренең һөнәри бәйрәме алдыннан Казанда “Пирамида” күңел ачу үзәгендә “Ел табибы – Ак чәчәкләр-2018” бәйгесенә йомгак ясалды.
Районыбызның Чуаш Кичүе табиблык амбулаториясе гомуми практика табибы Радик Вәлиев конкурсның “Беренчел звеноның иң әйбәт табибы” номинациясе номинанты булган иде.
Җиңүчеләрне электрон тавыш бирү юлы белән ачыкладылар. Нәтиҗәдә конкурсның биш номинациясендә җиңүгә дәгъва кылган 27 табиб арасында беренче өчлеккә Радик Вәлиев та эләгә. Әмма номинациядә бүтән табиб җиңүче була. Төп бүләк – автомобильгә ут күршебез Алексеевск районыннан фельдшер Зөфәр Сафин ия була.
Радик Вәлиев планшет һәм санаторийга юллама белән бүләкләнә.
Нет комментариев