Әлки районы: Яңа елга иң яхшы бизәк ясау конкурсында җиңүчеләр билгеләнде

Районда йорт, офис, бина һәм алар янәшәсендәге территорияне иң яхшы бизәүгә конкурс игълан ителгән иде. Традиция буенча бүләкләү бүген район үзәгенең Ленин паркында 19:00 сәгатьтә башланачак төп Яңа ел концертында булачак. Җиңүчеләрне һәм призерларны Базарлы Матакта яшәүчеләр арасында билгеләделәр.

Александр һәм Лидия Толстовлар гаиләсе (Крайнов ур., 95) һәм Рөстәм һәм Зөлфия Минһаҗетдиновлар (Энергетиклар ур., 1/2) иң яхшылар дип табылды.

Икенче урында Рәшит һәм Сөембикә Хәмитовлар (Төзүчеләр ур., 13/2) һәм Ринат һәм Резеда Гайнетдиновлар (Төзүчеләр ур., 10/1).

Өченче урыннарны Роберт һәм Әлфия Хәйруллиннар (Лесная ур., 5/1) һәм Гөлсинә Миннәхмәтова (Көньяк ур., 40/2) яуладылар.

Хуҗаларны конкурста җиңүләре белән котлыйбыз. Призлар сезне төп Яңа ел чарасында көтәчәк!