Әлки районы үзәгендә 24 февральдә ярминкә һәм кыш озату бәйрәме була

Ярминкә халыкка кирәкле товарларга бай булачак. Авыл халкы һәм хуҗалыклар анда ит, сөт ризыклары, яшелчәләр, печән, бөртек белән сату итәчәк. Сатуга шулай ук утын, агач материаллары чыгарылачак. Бәйрәм икән, кайнар коймак һәм чәй, шашлык кебек сыйлар да булыр. Мәдәният хезмәткәрләре, авыл үзешчәннәре исә халыкны күңелле җыр-биюләр белән сөендерер, күңелле уен һәм бәйгеләр оештырыр.

Ярминкә сәгать 10 да башлана. Рәхим итегез!