Әлки районында үзешчән сәнгать фестивале җиңүчеләре билгеле булды

Район оешмалары һәм учреждениеләре арасында үткәрелгән "Игелек кыл" үзешчән сәнгать фестиваленә йомгак ясалды.

Беренче урын район урман хуҗалыгы, электр челтәрләре, почта участогы, РУЭС, ветеринария берләшмәсе, сельэнерго, орлык инспекциясе үзешчәннәренең җыелма коллективына бирелде. Икенче урында - Базарлы Матак урта мәктәбе һәм Н.Дәүли исемендәге гимназия. Җыр-биюгә, сәнгатьле сүзгә осталык буенча өченче урын- район хәрби комиссариаты, ДОСААФ, янгын часте һәм район үзәк хастаханәсе, шулай ук муниципаль район советы һәм башкарма комитеты, район мәдәният йорты, музыка мәктәбе һәм район үзәк китапханәсе үзешчәннәрендә.