Әлки районының Хузангай авылында чаңгы ярышлары

Хузангай урта мәктәбе базасында үткән атнада инвестор, Мари-Элдагы "Звениговский" хуҗалыгы рәисе Иван Казанков призларына чаңгы ярышлары булды.

Анда 13 мәктәптән чаңгычылар катнашты. Иске Матак мәктәбе командасы беренче урынны яулады. Икенче урында - Хузангай, өченче - Чуаш Борнае мәктәпләре. Иске Тахталы, Борискино мәктәпләре укучылары да әйбәт нәтиҗәләр күрсәтте. Җиңүчеләр медальләр, грамоталар, акчалата призлар белән бүләкләнде. Ярышларда катнашучылар бәйгене үткәрүдә күрсәткән ярдәмнәре өчен Иван Казанковка һәм "Хузангай" җәмгыяте җитәкчесе Евгений Чугуновка рәхмәтләрен белдерделәр.