1 апрельдән 2015 елның икенче яртыеллыгы өчен газета-журналларга язылу кампаниясе старт ала

1 апрельдән почта бүлекләрендә "урак өсте" башлана - 2015 елның икенче яртыеллыгы өчен газета-журналларга язылу кампаниясе старт ала.

Соңгы вакытта бөтен нәрсәгә бәяләрнең күтәрелүе матбугат басмаларын да читләтеп үтмәде. Район газеталарына, шул исәптән безнең "Әлки хәбәрләре"нә язылу бәяләре дә берникадәр артты. Елның икенче яртысына газетабызга язылу 534 сумга төшәчәк. Районның почта хезмәткәрләре "Әлки хәбәрләре"нә яздыру буенча җиткерелгән планнарын әлегә чаклы һәрдаим үтәп килделәр. Алда торган подписка чорында да алар сынатмый эшләрләр дип ышанабыз. Без исә район газетасына яздыруны аеруча әйбәт оештырган почта хезмәткәрләрен редакциянең Рәхмәт хатлары һәм истәлекле бүләкләре белән билгеләп үтәчәкбез.