Бу ел башыннан ЮХИДИ тармагында да дәүләт пошлиналары күләме артты

house-control.org.ua

Бу ел башыннан ЮХИДИ тармагында да дәүләт пошлиналары күләме артты.

Әйтик, машинаны теркәү номерын алыр өчен моңа кадәр 1500 сум түләргә кирәк булса, быел ул 2000 сумга җитте. Теркәү турындагы таныклык алу өчен хәзер 500 сум (300 сум иде), транспорт чарасының паспортына үзгәрешләр кертү өчен 350 сум (200 сум иде) түлисе. Автомобильнең паспортын алу хәзер 800 сум тора. Шулай итеп, бүген автомобильне теркәтеп паспортын алу өчен 3300 сум пошлина түләргә кирәк булачак.

Машина йөртү таныклыгы алганда түләнә торган дәүләт пошлинасы суммасы да артты. Пластиктан ясалган "права" алу өчен хәзер элеккеге 800 сум урынына 2000 сум түләргә кирәк. Халыкара форматтагы машина йөртү таныклыгын алу элеккеге 1000 сум урынына хәзер 1600 сумга төшә.