Димитровград укытучылары бездән өйрәнә

ru.kefline.com

Базарлы Матак урта мәктәбендә татар теле һәм әдәбиятын укыту буенча өлкәнара семинар үткәрделәр.

Анда, үзебезнең район мөгаллимнәре белән беррәттән, Мәләкәс шәһәреннән дә биш татар теле укытучысы катнашты. Педагоглар татар телен укытуның яңа методикалары, аерым алганда Сингапур тәҗрибәсе хакында сөйләштеләр, белем бирүнең федераль стандартлары хакында фикер алыштылар. Балаларның концерт номерлары, мәктәп белән "Ералаш" формасында таныштыру, "ОРКЕСТР" музеенда булып, укучыларга хәрби-патриотик тәрбия бирү хакында әңгәмә кору да семинарда катнашучыларның күңеленә хуш килде.. Аннан соң мәктәп укучылары Сингапур методикасы буенча алты ачык дәрес күрсәттеләр. Кунаклар семинар эшен югары бәяләделәр, биредә алган тәҗрибәнең үз эшләрендә һичшиксез ярдәм итәчәген әйттеләр.