Әлки районы республикада иң тәртипле һәм тыныч төбәкләрдән санала

Хокук бозуларны кисәтү буенча ведомствоара киңәшмәдә үткән елда алып барылган эшкә нәтиҗә ясалды.

Полиция начальнигының җәмәгать тәртибен саклау буенча урынбасары Илдус Нуруллин әйтүенчә, безнең район республикада иң тәртипле һәм тыныч төбәкләрдән санала икән. Моны ул җинаятьләрне кисәтү юнәлешендә алып барылган профилактик эшчәнлекнең уңай нәтиҗәсе дип аңлатты.

Балигъ булмаганнарны хокук бозудан, җинаять кылудан саклауга юнәлтелгән тәрбия эше турында мәгариф идарәсе җитәкчесенең тәрбия эшләре буенча урынбасары Нурания Заһидуллина, башкарма комитетның мәдәният бүлеге җитәкчесе Рәсимә Гайфуллина сөйләп үттеләр.