Әлки хәбәрләре
  • Рус Тат
  • Вакытсыз үлемгә китергән сәбәпләр арасында йөрәк-кан тамырлары авырулары беренче урынны алып тора

    vrachevoy.ru Россиядә кешеләр үлеме Европа күрсәткечләреннән 60-80 процентка артык, ә гомер озынлыгы Япония, Финляндия кебек илләрнекеннән 16,4 елга азрак. Вакытсыз үлемгә китергән сәбәпләр арасында йөрәк-кан тамырлары авырулары беренче урынны алып тора. Шуңа күрә мондый авыруларны мөмкин кадәр иртәрәк ачыкларга һәм дәва билгеләргә кирәк. Менә өченче ел инде халыкны диспансерлаштыру үткәрелә....

    vrachevoy.ru
    Россиядә кешеләр үлеме Европа күрсәткечләреннән 60-80 процентка артык, ә гомер озынлыгы Япония, Финляндия кебек илләрнекеннән 16,4 елга азрак.
    Вакытсыз үлемгә китергән сәбәпләр арасында йөрәк-кан тамырлары авырулары беренче урынны алып тора. Шуңа күрә мондый авыруларны мөмкин кадәр иртәрәк ачыкларга һәм дәва билгеләргә кирәк. Менә өченче ел инде халыкны диспансерлаштыру үткәрелә. Әгәр табиб йөрәк-кан тамырлары авыруы билгеләрен ачыкласа, пациентны югары технологияләр кулланып дәвалаучы үзәкләргә юллау мөмкинлеге бар.
    Шул ук вакытта һәркем үзенең сәламәтлеге турында кайгыртып түбәндәге киңәшләргә колак салсын иде:
    -Дөрес итеп туклану, артык авырлыкны булдырмау бик мөһим. Ашамлык сайлаганда майлы, итле, кыздырган ризыкларны чикләгез, күбрәк сөт азыклары, үсемлек продуктлары ашагыз. Тоз микъдарын киметергә кирәк. Көненә 4-5 тапкыр ашап, соңгы тапкыр табын яныннан йокларга 2-3 сәгать кала торып китегез;
    -Хроник авыруларны үзвакытында дәвалау зарур. Онытмагыз: артериаль гипертензия - хроник авыру, дәваламый гына үтми ул. Үз табибыгыз тәкъдим-киңәшләрен тотыгыз;
    -Ял сәгатьләрен дөрес оештырырга, стрессны кисәтү чараларын күрергә, күбрәк хәрәкәт итәргә кирәк. Җәяү йөрү, мөмкин булганда спортның башка төрләре белән шөгыльләнү, бию бик файдалы.
    Әгәр ялгыз гына яшисез икән, песи я эт алып җибәрегез. Дуслар, туганнар белән аралашыгыз. Сез яшәгән җирдә клуб, төрле түгәрәкләр булса, аларга йөрегез. Кыскасы, сәламәтлек белән бәйле проблемаларыгыз бар икән, аларга җитди карагыз. Вакытында дәваланганда бик күп чирләр җиңелә бит.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: