Энебез Фәрит Гарифҗан улы Шакировны 60 яшьлек юбилее белән котлыйбыз

Кышның салкын матур гыйнвар көнендә Татар Мулла авылында туып, шунда үсеп, хәзерге вакытта Әлмәт шәһәрендә яшәүче энебез Фәрит Гарифҗан улы Шакировның 60 яшьлек юбилее. Үзенә һөнәр сайлаганда әтиебез юлыннан китеп ялгышмады энебез, икътисадчы һөнәрен үзләштерде. Хезмәт юлын Әлмәт шәһәрендә дәвам итеп, җаваплы вазыйфа башкарып атказанган экономист исеменә дә лаек булды. Мондый туганыбыз булу үзе бер бәхет, ул безнең горурлыгыбыз. Аның күңеле якты, ул тормышны бөтен барлыгы белән яратучы да. Күркәм юбилее белән котлап, энебез Фәриткә бары матур теләкләр генә телибез. Һәрвакыт шундый көчле гаилә башлыгы, тормыш иптәшең Гөлкәйгә ныклы таяныч булып, балаларыңның, оныкларыңның игелеген күреп, шатлыклы көннәр кичерсәгез иде.