Әлки районыннан Муштаковлар гаиләсе ГТО күрсәткечләрен уңышлы тапшырдылар
Шимбә, 22 апрельдә, “Хезмәт резервлары” стадионында “Спорт – тормыш рәвеше” федераль проекты кысасында гаилә командалары арасында республика күләмендә хезмәткә һәм саклануга әзер бул (ГТО) күрсәткечләрен тапшыру фестивале булды.
Фестиваль программасына көч, тизлек-көч, сыгылмалылык күрсәткечләре, шулай ук гамәли спорт төрләре буенча күрсәткечләр тапшыру кертелгән иде.
Ярышта ТРның шәһәр һәм районнарыннан барлыгы 10 команда катнашты. Безнең район данын Муштаковлар гаиләсе яклады. Бәйгедә катнашучыларның һәркайсы, бар тырышлыкларын куеп, яхшы нәтиҗәләр күрсәтте.
Беренче урын - Түбән Кама шәһәрендә, икенче - Азнакай, өченче Нурлат районында.
Безнең команда – 4 нче урынны яулады.
Следите за самым важным и интересным в Telegram-каналеТатмедиа
Нет комментариев