Әлки районында ярдәм күрсәтү йөзеннән “Ярдәм янәшәдә генә” дип исемләнгән штаб төзелде

 . 
Район башкарма комитеты җитәкчесе Руслан Морадымов идарә иткән әлеге штаб, хәрбиләрнең һәм мобилизацияләнүчеләрнең гаиләләрендә проблемалар туа калса, оператив рәвештә хәл итәчәк. Андый гаиләләр авыр хәлдә калганда яклаучылары һәм кайгыртучылары барлыгын тоеп, ышанып яшәргә тиешләр.
Хәзер районда гуманитар ярдәм җыю игълан ителде. Ул район үзәк китапханәсе бинасында туплана. Гуманитар ярдәм йөзеннән китерелгән әйберләр дүшәмбедән җомгага чаклы 9 дан 15 сәгатькә кадәр кабул ителә.