Җитәкчеләр балаларны сөендергән

Район мәдәняит йортында махсус хәрби операциядә  катнашучыларның балалары һәм инвалид балалар теләкләре язылган махсус чыршы куелган иде. 

Теләкләр чыршысы акциясендә район башлыгы Александр Никошин, башкарма комитет җитәкчесе Руслан Морадымов, учреждение предприятие җитәкчеләре, авыл җирлекләре башлыклары, район советы депутатлары һәм теләге булган һәркем катнашты.

Нәтиҗәдә әтиләре махсус хәрби операциядә катнашкан 107 балага һәм 73 инвалид сабыйга Кыш бабай исеменнән Яңа ел бүләкләре тапшырылды. Балаларны киләчәктә дә һәрчак куандырып яшәсәк иде!