“Кайгырту” халыкка социаль хезмәт күрсәтү базасында тернәкләндерүнең техник җайланмаларын вакытлыча биреп торалар

Әлеге чаралар инвалид балаларны тәрбияләүче гаиләләргә тормыш дәрәҗәсен күтәрү, бу кыз-малайларны өй шартларында тернәкләндерү, рухи халәтләрен яхшырту мөмкинлеген киңәйтүне һәм аларны мөстәкыйль тормышка әзерләүне максат итеп куя. 

Әлеге проект кысасында махсус техник чаралар сатып алынды. Нәтиҗәдә, “Кайгырту” халыкка социаль хезмәт күрсәтү базасында тернәкләндерүнең техник җайланмаларын (тәгәрмәчле гадәти йөргечләр, ДЦП билгеләмәсе куелган балаларга йөргечләр, басып тору, утырып тору өчен терәкләр, ортопедик мендәр – муен өчен терәк, МЕГА-ТРЕЙД урындыгы, механик канәфи-коляска) вакытлыча биреп тору пункты ачылып эшли башлады. Әлки районында яшәп, инвалид балалар тәрбияләүче гаиләләргә үтенеч гаризасы язу  юлы белән тернәкләндерү җайланмаларын вакытлыча куллануга алу мөмкинлеге бирелә. 

Адресы: Базарлы Матак авылы, Ленин урамы, 9 нчы йорт. Элемтәгә чыгу телефоны: 88434621678. Эш сәгате: дүшәмбе 8.00 дән 17.00 гә кадәр, сишәмбе 8.00дән 16.00 гә кадәр. Төшке ашка ял вакыты: 12.00дән 13.00гә кадәр.