Әлки районында басуда эшләр бар әле

Алар көн саен 200-250 гектар мәйданда әлеге культураларны суктыралар. Көзнең яңгырлы килүе сәбәпле көнбагыш һәм бөртек өчен кукурузның бер өлеше җыеп алынмый калган иде. Җирләр туңдыру белән комбайннар кырга чыкты. Хәзер 12033 гектарда үстерелгән көнбагышның 700 гектарын җыясы калды. Ә кукурузның 900 гектарын суктырасылары бар (ул 6149 гектарда игелгән иде). Кукурузның уңышы да югары – һәр гектардан  54,7 центнер чыгып бара. Ә район буенча бөртеклеләрдән уртача уңыш гектардан 28,2 центнер тәшкил итте. Тулаем 110 мең тонна уңыш җыеп алынды. Бу узган елгы дәрәҗәдән дә күбрәк.