Әлки районында Әнвәр Залаков истәлегенә өмә үткәрергә җыеналар

Шундый башлангыч белән “Сельхозхимия”нең элекке профсоюз оешмасы рәисе Фәүзия Гыймадиева чыккан. “Өмәне берләшмәнең элекке җитәкчесе Әнвәр Залаков истәлегенә үткәрәбез. Райондашлар, анда сезне  актив катнашырга чакырабыз. Әйдәгез, рамазан аенда игелекле гамәлләр кылыйк!”–ди Фәүзия ханым.

Өмә сәгать 9 да башлана. Ир-егетләрнең балта, пычкы, хатын-кызларның тырма алып килүләре сорала. Эшне тәмамлагач шундагы ашханәдә күңелле итеп чәй эчү оештырылачак.