Яңалыклар
Әлки районының ике авыл җирлегенә “Шевроле Нива” машиналары бирелде
Президент Рөстәм Миңнеханов муниципаль берәмлекләр җитәкчеләренә хезмәт урынында файдалану өчен яңа автомобиль ачкычлары тапшырды.
Әлеге чара муниципаль берәмлекләр советы съезды кысаларында Татарстан Дәүләт Советы каршындагы мәйданчыкта узды. Рөстәм Миңнеханов анда
муниципалитетларга системалы ярдәм күрсәтелүен әйтте, республикада бүген авыл җирендә тормыш сыйфатын яхшыртуга юнәлдерелгән 38 программа гамәлгә ашырылуын билгеләп үтте.
Районыбыздан Иске Камка авыл җирлеге башлыгы Фәргать Әкбәров һәм Иске Чаллы авыл җирлеге башлыгы Муса Исхаков Президент кулыннан “Шевроле Нива” машиналары ачкычларын кабул итеп алдылар.
Следите за самым важным и интересным в Telegram-каналеТатмедиа
Нет комментариев