Әлки районында “Игътибар – балалар!” операциясе үткәрелә

 
Әлеге профилактика  чарасы балаларның юлда һәм транспортта имгәнүләрен булдырмау максатында оештырыла. Операция барышында полиция хезмәткәрләре балигъ булмаган пассажирларны йөртү, җәяүлеләргә юлда өстенлек бирү белән бәйле юл хәрәкәте кагыйдәләрен бозуларны кисәтүгә юнәлдерелгән рейдлар үткәрәчәк, балаларга, аларның әти-әниләренә юлда үзеңне тәртипле тоту зарурлыгы хакында аңлатачак. Гомумән, юлда һәркем үтә игътибарлы һәм сак булсын иде, дип искәртә ЮХИДИ бүлекчәсе начальнигы полиция майоры Рәис Сафин.