Әлки районында халык саны арткан

1 гыйнварга билгеле булган мәгълүматлар сөендерә: 360 кешегә артып, хәзер без, әлкилеләр, 20 мең 30 кеше булганбыз.

Үткән елда бездә 19 мең 670 кеше яши дип исәпләнә иде. Читтән кайтып, килеп районда урнашучылар 722 кеше, район ЗАГС бүлегендә туу турында таныклык бирелгән сабыйлар 191 (аларның саны Казан, Чистай һ.б җирлекләрдә дөньяга килүчеләрне исәпкә алып бетергәч артачак икән әле). Әмма узган елда 238 кеше киткән, 315 кеше вафат булган. Болар - статистика бүлегендә теркәлгән саннар.