Әлки районы Әхмәт авылында фермер карлыган җыюга кереште

Уңыш беренче елда зур булмас дигәннәр иде. Ләкин ул көтелгәннән шактый мул булып өлгергән. Шуңа күрә Илдарның Казанда эшмәкәрлек белән шөгыльләнүче улы Илназ карлыган җыя торган комбайнны килешү нигезендә кайтартып, уңышны җыярга булган.

Илназ Хәйруллин иртә язда ук алардан карлыган продукциясен үзләренә тапшыруны сорап, төрле эшкәртүче предприятиеләрдән мөрәҗәгатьләр кергәнен әйткән иде. Димәк, фермер Илдар Хәйруллинның уңышны урнаштыру буенча кыенлыклары юк.