Әлки районы “Георгий тасмасы” акциясенә кушылды

Җирле халык, район мәктәбе укучылары бу чарада актив катнаша. “Җиңү волонтерлары” мәктәпләрдә, паркларда, район үзәге урамнарында тасмалар тарата һәм һәр теләк белдерүченең киеменә кара һәм кызгылт-сары төсләрдәге тасманы – Бөек Ватан сугышы турындагы хатирәләрне саклаучы батырлык һәм ныклык билгесен беркетә. Җиңү көненең төп билгесен без йөрәк түрендә йөртәбез. 

“Георгий тасмасы” акциясенә кушылыгыз һәм әлеге мөһим гадәтне булдыруда үз өлешегезне кертегез. Район кешеләре,  Ватаныбыз өчен көрәшүчеләргә рәхмәт белдерү йөзеннән, шулай ук митингларда һәм Бөек Ватан сугышында һәлак булучылар һәйкәлләренә чәчәкләр салуда катнаша ала.