Бабаларыгыз, туганнарыгыз, сугышта катнашкан якыннарыгыз исемлеккә кертелгәнме?

  Бульварда безнең районнан Бөек Ватан сугышына киткән якташлар исемнәре язылган стелалар урнаштырылган.

8 февральдә узган “эшлекле дүшәмбе” киңәшмәсендә район башлыгы Александр Никошин авыл җирлекләре җитәкчеләренә мөрәҗәгать итеп, әлеге стелаларда яңа ачыкланган исемнәрне өстәп язу өчен урын калдырылуын әйтте. “Әгәр Бөек Ватан сугышына алынган, әмма исемнәре төшереп калдырылган авылдашларыгыз турында мәгълүмат ачыкланса, бу турыда район хакимиятенә җиткерегез. Исемлекләр һичшиксез тулыландырылачак”,-диде ул.

Бу эшне бергәләшеп башкарырга кирәк. бабаларыгыз, туганнарыгыз, сугышта катнашкан якыннарыгыз исемлеккә кертелгәнме? Әгәр аларны стелалардан эзләп таба алмасагыз, бу турыда хәбәр итегез. Сугышта катнашканнар истәлегенә төзелгән мемориал Совет урамында, Саклык банкы каршында урнашкан.