Базарлы Матактагы «Алинә» бассейнында ремонт бара

Монда насосларны ремонтлыйлар. Проект буенча биредә чит илләрдә җитештерелгән насослар куелган. Күбесенең подшипниклары сафтан чыккан, башка төеннәрен яңарту таләп ителә.

«Алинә» бассейны баш белгече Марс Сафиуллин сүзләренә караганда, район җитәкчелеге бассейнны тизрәк сафка бастыру өчен финанс мәсьәләләрен хәл иткән. Әмма запас частьләр чит илдән турыдан-туры кайтмаганга, вакыт сузыла икән. Бассейнга сулар тутырылган, насослар көйләнеп бетүгә биредә суда коенү, балаларның төрле тренеровкалары, ярышлары башланып китәчәк, диделәр.