Базарлы Матактан Сәлимә Маннанова кәстрүлле булды

Базарлы Матакныкы булган тагын бер әбунәчебезгә – Сәлимә Маннановага да бәхет елмайды.

Ул ризыкларны кыздырып пешерү мөмкинлеге бирә торган кәстрүлле булды.

–  Аш-су бүлмәсендә ничә кәстрүл булса да, хатын-кызга җитми ул. Бик кирәкле һәм файдалы бүләк отканмын. Рәхмәт үзегезгә, – диде ул, сөенечен җиткереп.

Сәлимә апа хәзер лаеклы ялда, 31 ел дәвамында Базарлы Матак авыл Советында кассир-хисаплаучы булып эшләгән. Ике кызы да, биредә гаиләле булып, район үзәге учреждениеләрендә эшлиләр икән.

–Үземне белгәннән бирле, өйдә “Әлки хәбәрләре” булды. Шуңа хәзер дә газетадан аерылмыйм, кызларым да языла. Бер язманы да калдырмыйча укыйбыз, – диде ул, коллективыбызга уңышлар теләп.