Ел башыннан ЗАГСның район бүлегендә 3 сабый – 1 кыз һәм 2 малай тууы теркәлгән

Түбән Әлки авылында яшәүче Альбина һәм Марат Хәмәтҗановларның кызлары Алинә туган. Ул – Әлки районында теркәлгән беренче яңа туган бала. Хәмәтҗановларның кыз һәм уллары бар инде, ул – гаиләдәге өченче сабый. 

Түбән Әлки авылындагы тагын бер гаилә Регина һәм Айнур Вәлиуллиннар да шундый ук шатлыклы хәл кичергән:  аларның да өченче сабыйлары – уллары Айназ дөньяга аваз салган. 

Өченче балалары туу сәбәпле, Хәмәтҗановлар һәм Вәлиуллиннар гаиләләре күп балалы гаилә исемен ала. 
Югары Матакта яшәүче Надежда һәм Валерий Советниковларның гаиләләре дә – күпләргә үрнәк. Алар гаиләсендә 6 нчы бала туган. Аңа исә Назар дип исем кушканнар. 

Сабыйлар өйләргә күңелле мәшәкатьләр, шатлык алып килә. Менә бит ул бәхет!